1. Skip to Menu
  2. Skip to Content
  3. Skip to Footer

ნახე პარიზი და ... ნახე კიდევ ერთხელ

მომხმარებლის რეიტინგი

pa"პარიზი პირველი ევროპული დედაქალაქი იყო, რომელიც შობის წინ 2000 წელს მოვინახულე... იქ აღმოვჩნდიდა დიდხანს ვერ ვიჯერებდი, რომ ეს არ იყო სიზმარი. 

ვრცლად...

წვეულება მათთვის, ვისაც გახდომა სურს

მომხმარებლის რეიტინგი

წვეულება მათთვის, ვისაც გახდომა სურსოდესმე თუ გიფიქრიათ, ახლო მეგობრების ვიწრო წრეში წვეულება მოგეწყოთ, თანაც ის მეგობრები შეგერჩიათ, რომლებიც თქვენსავით გახდომაზე ოცნებობენ? ჯერ ერთი, სულაც არ არის აუცილებელი, სტუმრად ფიტნესის მწვრთნელი მოიპატიჟოთ - მთავარია, პირველი ნაბიჯები გადადგათ მიზნის მისაღწევად და შემოიკრიბოთ თანამოაზრეები.

ვრცლად...

ადგილები, სადაც ტალახს არ ერიდებიან

მომხმარებლის რეიტინგი

ტალახიარსებობს მსოფლიოში ისეთი ადგილები, სადაც ხალხი სპეციალურად ტალახში ამოსავლებად მიდის. (N. B. ჩვენშიც არის ასეთი)

ბუნების წამალი
უძველესი მედიცინის მიხედვით, ადამიანის სხეულის ოთხ შემადგენელ 5 ელემენტთაგან ერთ-ერთია ტალახი, უფრო სწორად, მიწა. მიწა ამდიდრებს სხეულს სასიცოცხლო ენერგიით, მატებს მას სიჯანსაღეს და ძალას. აიურვედას მომხრეთა წარმოდგენებით, ტალახი უდიდეს როლს ასრულებს მთელი რიგი დაავადებების მკურნალობაში. მსგავსი წარმოდგენები უცხო არ იყო სხვა კონტინენტის მცხოვრებთათვის – ამერიკელი ინდიელებისთვისაც. ისინი არცთუ იშვიათად სვავდნენ მძიმედ დაავადებულ ადამიანს მხრებამდე მიწაში, რათა მის სხეულს იქიდან სასიცოცხლო ძალები და მასში შემავალი მინერალები შეეწოვა. მდინარის შლამით მკურნალობდნენ ძველი ეგვიპტელები, ბერძნები, რომაელები.

ტალახის თერაპიის ეფექტი ჰიდროთერაპიის ზემოქმედების ანალოგიურია. სპა-სალონებში მომსახურების მრავალფეროვნების მიუხედავად, რომლებიც კლიენტებს გამაჯანსაღებელი ტალახით მკურნალობას სთავაზობენ (ტრადიციული აბაზანებიდან, უფრო „პროგრესული“ მეთოდების ჩათვლით), მათი უმრავლესობის ზემოქმედების მექანიზმი ერთი და იგივეა.

ნებისმიერი ფერის ტალახი (თიხა), თუ ის მავნე ნივთიერებებსა და ქიმიურ მინარევებს არ შეიცავს, სამკურნალოდ და კოსმეტიკურ საშუალებად ვარგისია. დღეს სირთულეს არ წარმოადგენს საჭირო პრეპარატის პოვნა აფთიაქსა თუ ინტერნეტ-მაღაზიაში. და მაინც, სპეციალისტები იმის მომხრენი არიან, რომ მკურნალობა იმ კურორტებზე უფრო ეფექტურია, სადაც ეს ტალახი მოიპოვება.

ეს იმას არ ნიშნავს, რომ სამკურნალო კურორტებზე ნებისმიერი ტალახს გააჩნია საჭირო თვისებები: გამოყენებამდე მას წმენდენ სხვადასხვა შენაერთებისგან, ბუნებრივი მინისა და მცენარეებისგან. ტალახის აბაზანაში პაციენტი მთლიანად ეშვება (ზემოთ რჩება მხოლოდ თავი).

აბაზანის მიღების პროცედურა ასეთია: ტალახის მასა წყალში იხსნება და თანაბრად ნაწილდება ქსოვილზე, რომელსაც შემდგომ პაციენტს სხეულზე აფენენ და 1-2 თბილ სახვევში ახვევენ. პროცედურის შემდეგ ტალახი ცხელ აბაზანაში ჩამოიბანება, ხოლო შემდგომ მოსდევს ცივი შხაპი.

ექიმები გვირჩევენ, რომ პირველ ჯერზე მხოლოდ 10 წუთიანი აბაზანით დავკმაყოფილდეთ. თანდათან პროცედურის ხანგრძლივობა 1 საათამდე იზრდება – ეს დამოკიდებულია პაციენტის ინდივიდუალურ ამტანობაზე. აღსანიშნავია, რომ პროცედურას მთელი რიგი უკუჩვენებები ახლავს თან (ჰიპერტონიული, გულ-სისხლძარღვთა დაავადებები და სხვ.). მაღალი ტამპერატურის ზემოქმედების ქვეშ ყოფნა ორგანიზმისთვის სერიოზულ დატვირთვას წარმოადგენს, ამიტომ ყველა პროცედურა ექიმის კონტროლის თანხლებით უნდა მიმდინარეობდეს.

ტალახის პროცედურები სასარგებლოა კანისთვის: ძლიერდება სისხლის მიმოქცევა, აქტიურდება ნერვული დაბოლოებების მუშაობა. უმჯობესდება კანის ტონუსი, ისევე, როგორც მისი გარეგნული სახე და ფერი. თიხის სავლებები და აბაზანები კარგია ფსორიაზის, ლეიკემიისა და სხვა დერმატოლოგიური სახის დარღვევების სამკურნალოდ. ითვლება, რომ ამგვარი პროცედურები მნიშვნელოვნად ამცირებს რევმატიულ და სახსრების ტკივილებს, ხსნის ანთებით პროცესებს სხეულის ყველა ნაწილში. იგი ორგანიზმიდან ტოქსინების გამოდევნასაც კი უწყობს ხელს. სპორტულ მედიცინაში ტალახს ნივთიერებათა ცვლის პროცესის აღდგენის დასაჩქარებლად და კუნთების დაჭიმვისთვის გამოიყენებენ.

eva.ge